Lidhja ndërmjet periodontitit dhe sindromës metabolike

Nga Lara Figini

Sindroma metabolike (MetS) është një grup anomalisht metabolike ndërmjet të cilave obeziteti abdominal, hipertensioni, insulino-rezistenca dhe dislipidemia aterogjenike lidhen me riskun e shtuar të diabetit dhe problematikave kardiovaskulare.

Lidhja e supozuar ndërmjet MetS dhe periodontitit mund të jetë në nivele të shtuara të citokinave pro-inflamatore, stresit oksidativë, obezitetit abdominal dhe hiperglicemisë.

Tipologjia e kërkimit dhe modaliteti i analizës
Në një studim të publikuar në Journal of Periodontology në qershor 2019, autorët kanë hetuar për lidhjen ndërmjet sindromës metabolike (MetS) dhe periodontitit ndërmjet adultëve në moshë të re dhe kanë krahasuar rezultatet duke përdorur variabla të observuara dhe latente për MetS dhe periodontitin.

Në 1982 janë ekzaminuar foshnjat e sapolindura (n=4914) në 3 reparte të zonës urbane të Pelotas (Brazili Jugor). Këto individë janë intervistuar dhe ekzaminuar në raste të ndryshme nga fëmijëria e hershme deri në moshën 31 vjeçare. Intervistat kishin si qëllim të merrnin informacione mbi kushtet socioekonomike, zakonet ushqimore, konsumimin e duhanin apo alkoolit dhe gjendjet e shëndetit të përgjithshëm. Janë grumbulluar të dhëna rreth peshës, gjatësisë, perimetrit të belit dhe presionit të gjakut, duke marrë dhe analizuar kampionët e gjakut.

Në moshën 15 vjeçare (1997), një kampion përfaqësues (n=900) në të gjithë kohortin është randomizuar për Oral Health Study (OHS)-97. Ku 888 prej tyre i janë nënshtruar një ekzaminimi klinik oral.

Individët e ekzaminuar në OHS-97 janë kontaktuar dhe riekzaminuar në dy raste të tjera: në moshën 24 dhe 31 vjeçare. Periodontiti në moshën 31 vjeçare është matur klinikisht dhe është vendosur si rezultat.

Komponentët MetS në vijim janë vlerësuar në bazë të National Cholesterol Education Program (NCEP) Adult Treatment Panel-III (ATP-III):

• vlerat e HDL;
• vlerat e triglicerideve;
• vlerat e glukozës në gjak;
• perimetri i belit;
• presioni i gjakut.

Analizat faktoriale (eksploruese dhe konfermuese) janë kryer duke modifikuar variablat latente për MetS dhe periodontitin. Lidhja ndërmjet MetS dhe periodontitit është testuar në modele të ekuacioneve strukturore.

Rezultate
Janë identifikuar dy variabla periodontale latente: periodontiti "fillestar" dhe "i avancuar", ndërkohë që një variabël latente është identifikuar për MetS.

Sindroma metabolike ka rezultuar e lidhur pozitivisht me periodontitin "e avancuar" (koeficienti 0,11, vlera P<0,01), por jo me atë "fillestar" (koeficienti -0,01, vlera P = 0,79).

Kur MetS dhe periodontiti janë vendosur si variabla të observuara në modelet e ekuacionit strukturor, nuk është gjetur ndonjë lidhje, pavarësisht kritereve të përdorura, për klasifikimin e periodontitit.

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se ekziston një lidhje pozitive ndërmjet sindromës metabolike dhe periodontitit "të avancuar" kur dimensionet e shumfishta të të dyja sëmundjeve janë llogaritur në variablat latente.

Megjithatë, kur MetS dhe periodontiti janë trajtuar si variabla të observuara nuk është gjendur asnjë lidhje.

Për më tepër:
Nascimento GG, Leite FRM, Peres KG, Demarco FF, Corrêa MB, Peres MA. Metabolic syndrome and periodontitis: a structural equation modeling approach. J Periodontol 2019 Jun;90(6):655-62.

Përktheu: Valbona Spahia