Gjatësia e implantit dhe suksesi afatgjatë

Implantet standardë VS implantet e shkurtër

Nga Lara Figini

Futja e implanteve të shkurtër, të përkufizuar kështu sepse janë më të shkurtër se 10 mm, lejon futjen e implanteve edhe në kushte të një gjatësie të vogël kockore duke shmangur ndërhyrjet kirurgjikale të rritjes kockore pre-implantologjike.

Megjithatë, përdorimi i implanteve të shkurtër ka limitet e veta, ndërmjet paqëndrueshmërisë biomekanike pas ngarkesës protetike, një faktor i rëndësishëm që mund të çojë në dështimin e hershëm të implantit që verifikohet më parë gjatë vitit të parë të vendosjes.

Tipologjia e kërkimit dhe modaliteti i analizës
Në një rishikim sistematik, të publikuar në Implant Denstistry në qershor 2019, autorët kanë ofruar një panoramikë të analizës së elementeve të përfunduar duke krahasuar implantet dentare standarde dhe implantet e shkurtër në lidhje me vetitë biomekanike, duke theksuar parametrat që mund të influencojnë më së shumti përqendrimet e stresit perimplantar.

Pas një ekzaminimi të literaturës nëpërmjet një strategjie kërkimi dhe analizës së punimeve përkatëse, 36 studime janë përfshirë në analizën përfundimtare të këtij rishikimi.

Rezultate
83% të studimeve të përfshira në rishikim afirmojnë se implantet e shkurtër duhet të mbështesin përqendrimet e stresit më të mëdha në krahasim me ata të gjatësisë standarde.

Në të njëjtën kohë, 44% e studimeve mbështet se diametri i implantit mund të konsiderohet një parametër projektimi më efikas i gjatësisë për të reduktuar përqendrimet e stresit dhe për të shmangur një mbingarkesë të kockës perimplantare.

Në të gjitha studimet është zbuluar se përqendrime më të larta të stresit ndeshen në seksionin kortikal përreth pjesës së sipërme të implantit.

Konkluzione
Nga të dhënat e nxjerra nga ky rishikim, që duhen konfirmuar me studime të mëtejshme analoge, mund të dalim në përfundimin se në barazinë e cilësisë kockore diametri i implantit luan një rol kyç për të reduktuar në minimum përqendrimet e stresit perimplantar.

Në një diametër të stabilizuar, implantet e shkurtër tregojnë nivele të larta të sforcimit-deformimit në krahasim me implantet me gjatësi standarde.

Implikime klinike
Kur ekziston nevoja për të vendosur implante më të shkurtër sesa ato normale për motive anatomike apo për motive të tjera, për shkak të përqendrimeve më të mëdha të stresit të implanteve në shkurtra në krahasim me ata me gjatësi standarde është e këshillueshme që të sigurohet një splintim i implanteve të shkurtër për të shpërndarë sa më mirë ngarkesat mastikatore, duke shmangur mbingarkesën.

Për më tepër:
Hingsammer L, Pommer B, Hunger S, Stehrer R, Watzek G, Insua A. Influence of implant length and associated parameters upon biomechanical forces in finite element analyses: a systematic review. Implant Dent 2019 Jun;28(3):296-305.

Përktheu: Valbona Spahia