Kirurgjia rikonstruktive periodontale e defekteve intrakockore të thella: trajtimi apikal vs trajtimi intrasulkular

Nga Lara Figini

Dhëmbët që trajtohen me kirurgji periodontale rikonstruktive kanë një prognozë të mirë afatgjatë, edhe në rastin e lezioneve periodontale intrakockore të thella. Orientimi aktual është perfeksionimi i teknikave të bazuara në trajtime mikrokirurgjikale që kanë objektiv primar maksimizimin e ruajtjes së indeve duke evituar reduktimin e tyre.

Së fundmi është paraqitur një teknikë e re e bazuar në këto parime, e përkufizuar si trajtim kirurgjikal apikal pa incizion papilar (NIPSA) ose heqja e indeve në nivelin e papilave ose indeve marginale, është ndryshe nga teknikat tradicionale të aksesit marginal që parashikojnë një incizion intrasulkular në nivelin e indit marginal dhe në zonën e papilave, me heqjen më pas të këtyre indeve për trajtimin e defektit periodontal.

Tipologjia e kërkimit dhe modaliteti i analizës
Në një studim klinik të publikuar në Journal of Periodontology në maj 2019, autorët kanë krahasuar rezultatet klinike të marra pas kirurgjisë rikontruktive periodontale të defekteve intrakockore të thella nëpërmjet dy teknikave të ndryshme rigjenerative, që përdorin një trajtim tradicional marginal (MIST) dhe një inovativ me trajtim apikal (NIPSA).

Të dhënat e 30 pacientëve me një defekt intrakockor të thellë të trajtuar me MIST (n=15) ose NIPSA (n=15) janë analizuar në mënyrë retrospektive. Të gjithë pacientët kanë hasur të njëjtët kritere të përfshirjes dhe janë trajtuar duke ndjekur të njëjtin protokoll, përveç menaxhimit kirurgjikal të indeve të buta (MIST versus NIPSA).

Janë vlerësuar parametrat klinikë në kohën e fillimit dhe 1 vit pas ndërhyrjes kirurgjikale, shërimi i parakohshëm për 1 javë dhe dhimbja post-operatore.

Rezultate
NIPSA dhe MIST kanë sjellë një fitim klinik të konsiderueshëm (CAG) (P<0,001) dhe reduktimin e thellësisë së sondimit (PDr) (P<0,001) në 1 vit pas ndërhyrjes.

Megjithatë, teknika NIPSA ka provokuar një recesion papilar në mënyrë të konsiderueshme më të kufizuar në krahasim me teknikën MIST (P<0,001). Duhani ka pasur një influencë negative në fillim të shërimit te të dyja teknikat (P<0,05).

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se trajtimet NIPSA dhe MIST çojnë në përmirësime të konsiderueshme të parametrave klinikë.
Teknika NIPSA garanton një përmirësim të ruajtjes së indeve të buta.

Implikime klinike
Periodontologjia po shkon gjithnjë e më shumë drejt orientimit mikrokirurgjikal të ruajtjes maksimale të indeve dhe në këtë optikë trajtimi NIPSA mund të paraqesë një teknikë premtuese të ruajtjes së papilave në trajtimin perioodntal të defekteve intrakockore.

Për më tepër:
Moreno Rodríguez JA, Ortiz Ruiz AJ, Caffesse RG. Periodontal reconstructive surgery of deep intraosseous defects using an apical approach. Non-incised papillae surgical approach (NIPSA): a retrospective cohort study. J Periodontol 2019 May;90(5):454-64.

Përkthimi: Valbona Spahia