Modelet e praktikës së dentistëve për trajtimin e kariesit okluzal të thellë: të dhënat nga sipas një rrjeti të bazuar në kërkime

Nga Massimo Gagliani

Studimi i paraqitur në këtë artikull ka kuantifikuar dhe krahasuar modalitetin e trajtimit për lezionet karioze okluzale të thella ndërmjet një grupi dentistësh japonezë.

Ata ishin ndeshur me një rast klinik me karakteristika të caktuara dhe mund të zgjidhnin një nga tre alternativat e mëposhtme:
• një veshje jo e drejtpërdrejt e pulpës (IPC);
• një formë e heqjes selektive e indit karioz, duke lënë një shtresë të hollë të indit të demineralizuar mbi pulpë, që të mbulohet më pas me një veshje mbrojtëse;
• trajtimi endodontik.

Tipologjia e kërkimit dhe modaliteti i analizës
Ky studim transversal i publikuar në Journal of Dentistry është kryer duke përdorur një pyetësor sondazhi për dentistët anëtarë të rrjetit të kërkimit të bazuar në praktikën dentare në Japoni (n-297).

Interesant është fakti që tipologjia e popullsisë stomatologjike është shumë e ngjashme me tonën në përbërje dhe moshë mesatare.
Dentistëve i është kërkuar që të indikojnë përqindjen e kohës që i dedikojnë 3 opsioneve të trajtimit kur trajtojnë pacientët me karies okluzal të thellë dhe pulpitin e mundshëm në gradë të lehtë te një dhëmb posterior.

Në përgjigjet e marra nga 206 dentistë, përqindjet mesatare (intervalet interkuartile) të opsionit 1, 2 dhe 3 ishin respektivisht 30% (10-59%), 10% (0-30%) dhe 40% (19-80%). Diferencat ndërmjet opsionit 3 dhe opsioneve 1 dhe 2 ishin të konsiderueshme (p<0,001).

Në analizën e regresionit logjistik, një frekuencë më e madhe e përfitimit të provave nga artikujt shkencorë në gjuhë angleze lidhej në mënyrë të konsiderueshme me një përqindje më të lartë të IPC, me një raport të probabilitetit me 2,28 (IC 95%: 1,14-4,54).

Me fjalë të tjera, një njohje e informacioneve në nivel ndërkombëtar favorizon një trajtim më konservativ të pulpës së dhëmbit.

Konkluzione
Procedurat që lidhen me endodoncinë mbeten opsioni i trajtimit më i shpeshtë për kariesin okluzal të thellë. Përdorimi i shpeshtë i informacionit të bazuar në evidencë në artikuj shkencorë në gjuhën angleze është lidhur me preferencën e dentistëve japonezë në krahasim me IPC.

Për më tepër:
Naoki Kakudate et al. Dentists' practice patterns of treatment for deep occlusal caries: findings from a dental practice-based research network. J Dent 2019;84:76-80.

Përktheu: Valbona Spahia