Cemente glassionomer VS rezina kompozitë për restaurimet në lezionet cervikale

Cilat janë ato që zgjasin më shumë?

Nga Simona Chirico

Lezionet cervikale jokarioze shpesh pas restaurimit me rezina kompozitë dështojnë për shkak të: mungesës së përgatitjes së kavitetit, përdorimit të adezivëve të thjeshtësuar (etch-and-rinse me dy faza dhe self-etch monofazë) që nuk kanë potencialin kimik për të lidhur dentinën sklerotike të hipermineralizuar, një shtresë bakteriale shtesë dhe gurëzave të mineraleve intratubulare që janë relativisht më rezistentë ndaj acideve.

Nga ana tjetër, natyra shumë e mineralizuar e dentinës sklerotike e bën më të përshtatshëm adezionin me glassionomer (GIC) ose glassionomer të modifikuar me rezinë (RMGIC).

Cementet glassionomer (GIC) kanë një performancë më të mirë në krahasim me rezinat kompozitë (RC)?
Një studim i publikuar në Journal of Adhesive Dentistry në 2018, ka kërkuar t'i përgjigjet kësaj pyetjeje duke krahasuar dy materialet dhe duke vlerësuar: humbjen e ritencionit, përbërjen e sipërfaqes së ngjyrës, përshtatjen marginale, çngjyrosjen marginale dhe kariesin sekondar.

Materiale dhe metoda
Kërkimi bibliografik është kryer duke përdorur PubMed, Scopus, Web of Science, LILACS, BBO dhe Cochrane. Janë identifikuar në total 1530 artikuj, por vetëm 19 relacione janë seleksionuar për analizën.

Rezultate
Rezultatet e arritura duke krahasuar këto dy materiale janë vlerësuar me një follow-up prej 1, 2 dhe 3 vitesh. GIC ka treguar një ritencion më të lartë në të gjithë follow-up (nga 1 - 3 vjet, p<0,0001, për 5 vjet, p>0,00001).

Në të gjithë follow-up nuk është gjetur asnjë diferencë për humbjen e ngjyrës, përshtatjen marginale dhe kariesin sekondar (p>0,05). RC ka treguar një korrespondencë kromatike më të mirë në krahasim me GIC vetëm te follow-up për 2 vjet (p=0,03).

Ashpërsi më e madhe është observuar në GIC në të gjithë follow-up - et (pas 1 viti p=0,0003, pas 3 vitesh p=0,0004).

Konkluzione
Humbja e ritencionit të RMGIC/GIC ishte më e vogël se ajo e RC, por një ashpërsi më e madhe është observuar në RMGIC/GIC në krahasim me RC në të gjithë follow-up e studimeve klinike të vlerësuara.

Përveç kësaj, korrespondenca e ngjyrës ishte më e mirë me RC në follow-up - in pas 2 vitesh në krahasim me GIC. Pavarësisht kësaj, rezultatet dhe konkluzionet duhet të merren në konsideratë me kujdes, sepse vetë autorët kanë gjykuar këto studime me disa bias dhe kanë nxjerrë nevojën për të ndjekur studime të tjera në kampionë me dimensione më të mëdha.

Për më tepër:
Boing TF, de Geus JL, Wambier LM, Loguercio AD, Reis A, Gomes OMM. Are glass-ionomer cement restorations in cervical lesions more long-lasting than resin-based composite resins? A systematic review and meta-analysis. J Adhes Dent 2018;20(5):435-52.

Përktheu: Valbona Spahia