A mund të dëmtojnë sipërfaqet implantare manovrat e pastrimit të gurëzave me ultratinguj?

Nga Lara Figini

Prania e pjesëzave të titanit në proksimitetet e implanteve dentare që kanë dështuar dhe tek indet përreth tregon se këto mund të kenë një rol të rëndësishëm në gjenerimin e një gjendjeje inflamatore, por mekanizmi me të cilin këto pjesëza ndahen nga trupi i implantit është i panjohur.

Pjesëzat e titanit sigurisht që luajnë një rol aktiv në humbjen e atashmentit klinik dhe në riabsorbimin kockor duke çuar pas një farë kohe në humbjen e implantit.

Stresi mekanik nga okluzioni mund të gjenerojë shkëputjen e pjesëzave të titanit, ashtu si edhe korrozionin e sipërfaqes së tij. Një tjetër stres mekanik që mund të prodhojë lirimin e pjesëzave të titanit përreth implanteve është manovra profesionale e pastrimit të sipërfaqeve të tij.

Studime të shumta kanë treguar që instrumente të ndryshme manuale dhe me ultratinguj mund të dëmtojnë sipërfaqet e titanit (Unursaikahan, 2012; Sato, 2004).

Tipologjia e kërkimit dhe modaliteti i analizës
Në një studim të publikuar në Journal of Periodontology në mars 2019, autorët kanë vlerësuar se gjatë manovrave tradicionale të pastrimit të gurëzave me kavitronë me ultratinguj mund të shkaktojnë një shpërndarje të pjesëzave të titanit duke i shkëputur nga sipërfaqet e implanteve.

Autorët kanë dashur që të observojnë ndryshimet që bëhen në sipërfaqet implantare pas përdorimit të kavitronit me ultratinguj.

Implantet e reja me veshje guri, të ashpër, me SLA (acid etched) i janë nënshtruar trajtimeve me ultratinguj me maja në çelik të paoksidueshëm, titan dhe plastikë PEEK. Implantet janë vendosur në një pajisje mbajtëse dhe sipërfaqet e tyre SLA janë trajtuar me maja të ndryshme kavitroni me ultratinguj nën një presion më të vogël se 25 gramë.

Implantet i janë nënshtruar 30 lëvizjeve me ultratinguj. Uji i ftohjes pas ciklit me ultratinguj është grumbulluar dhe me një mikroskop optik janë numëruar pjesëzat metalike të pranishme.

Është vlerësuar edhe dëmtimi viziv i veshjes SLA të implanteve.

Rezultate
Nuk janë zbuluar pjesëza metalike në ujë pas punimit me ultratinguj (grupi i kontrollit pasiv). Pjesëzat metalike janë zbuluar në ujin e ftohur kur janë futur implantet dhe janë trajtuar me ultratinguj (grupi i kontrollit aktiv).

Të gjithë implantet e trajtuar me ultratinguj kanë prodhuar pjesëza metalike dhe kanë evidentuar dëmtime të zbulueshme në shtresën SLA.

Konkluzione
Nga të dhënat e nxjerra nga ky studim in vitro, që në fakt duhet të konfirmohen me punime të tjera analoge, mund të dalim në përfundimin se të gjitha majat me ultratinguj shkaktojnë prodhimin e pjesëzave të titanit dhe dëmtimin e veshjes SLA të implantit.

Implikime klinike
Kavitroni me ultratinguj duhet të përdoret me shumë kujdes në trajtimin e kushteve peri-implantare dhe duhet të kemi kujdes që të mos preken sipërfaqet SLA të implantit.

Për më tepër:
• Unursaikahan O, Lee JS, Cha JK, Park JC, Jung UW, Kim CS. Comparative evaluation of roughness of titanium surfaces treated by different hygiene instruments. J Periodontal Implant Sci 2012;42:88-94.
• Sato W, Kishida M, Ito K. The comparative effect of ultrasonic scalers on titanium surfaces: an in vitro study. J Periodontol 2004;75:1269-73.
• Harrel SK, Wilson TG Jr, Pandya M, Diekwisch TGH. Titanium particles generated during ultrasonic scaling of implants. J Periodontol 2019 Mar;90(3):241-6.

Përktheu: Valbona Spahia