Rehabilitimi i pacientit edentul me sistemin OT Brigde

Nga Mauro Ruggero Belluz dhe Carlo Borromeo

Kërkesa e rehabilitimeve protetike që përmbushin sa më shumë që të jetë e mundur jo vetëm kërkesat funksionale por edhe ato estetike, është gjithnjë e më e përhapur edhe te pacientët që mbajnë prej vitesh proteza të lëvizshme totale.

Rasti që do të paraqesim hyn në këtë lloj rehabilitimi; pacientja rreth të gjashtëdhjetave mbante prej disa vitesh protezë totale të lëvizshme maksilare, duke pasur një shqetësim estetik dhe funksional që e ka shtyrë të kërkojë mundësinë për të kryer një rehabilitim mundësisht fiks që do të lejonte një përmirësim të efikasitetit mastikator dhe një estetikë më të kënaqshme të buzëqeshjes.

Një vlerësim nëpërmjet CBCT na ka lejuar të identifikojmë sesi strukturat kockore do të lejonin një plan trajtimi implantar nëpërmjet vendosjes së 4 implanteve, nga të cilët 2 janë në zonat laterale maksilare dhe 2 vidhosur në zonën premolare maksilare.

Pa 4 muajsh nga vendosja e implanteve dhe pas vlerësimit objektiv dhe radiografik të një osteointegrimi të saktë të implanteve të vendosur, është kryer faza e dytë kirurgjikale dhe janë filluar procedurat e rehabilitimit protetik. Në përputhje me kërkesat e pacientit, është vendosur për kryerjen e një rehabilitimi me proteza të vendosura mbi implante.

Pozicioni i implanteve anteriore dhe pjerrësia e tyre që do të sillte nevojën për një emergjencë vestibulare të vendosjes së vidave të fiksimit protetik, ka sjellë në kërkimin e një zgjidhjeje që do të lejonte reduktimin në minimum të impaktit estetik duke ruajtur një cilësi funksionale të ritencionit optimal të protezës së vidhosur.

Për këtë qëllim, zgjedhja bie mbi përdorimin e OT Bridge sistematike, siç përshkruhet në vijim.

Rasti Klinik
Modeli i punimit mbi implante. Për të verifikuar mundësinë e kryerjes së këtij lloji protetik nisemi nga një projekt protetik duke kryer një provë të dhëmbëve dhe më pas vidhosen vidat. Në Figurën 1 vihet re një mos paralelizëm i madh.

Figura 1 Vlerësimi i mos paralelizmit

Modeli i punimi është pozicionuar mbi pllakën e paralelometrit për të vlerësuar gradën e mos paralelizmit të implanteve.

Figura 2 Vlerësimi i mosparalelizmit me paralelometër

Pasi është përfunduar vlerësimi është vendosur që të zgjidhet sistemi OT Bridge i cili garanton mundësinë e kryerjes së një strukture të vidhosur në çfarëdolloj platforme implantare me mos paralelizma të mëdha dhe garantohet mundësia për të siguruar një estetikë të mirë duke evituar vendosjen e disa vidave me dalje vestibulare, e pasi është matur pjesa transmukozale kërkohen atashmentet OT Equator dhe vidhosen në model.

Figura 3 Pozicionimi i atashmenteve

Pasi është bërë monitorimi i dhëmbëve, kryhen skanimet e provës, modelit dhe skanimi i abutment dhe projektohet struktura që duhet të vishet me kompozitë.

Nga imazhet mund të shihen vidat anteriore që kanë një dalje vestibulare, pra në projektin final përdoren vetëm vida posteriore.

Figura 4 projekti në CAD CAM

Pasi është projektuar struktura në CAD CAM, dërgohen file në qendrën e prodhimit që realizon shufrën me teknikën laser melting në krom-kobalt: kjo teknikë lejon realizimin e strukturave duke riprodhuar format e projektuara.

Zonat e lidhjes me implante janë riparë me makineri. Në figurë shihet struktura me atashmentet e vendosura.

Figura 5 Shufra laser melting

Pasi është provuar struktura në model vendoset Seeger me instrumentin e duhur dhe është verifikuar funksionimi i duhur i sistemit.

Figura 6 Seeger në shufër

Pra është veshur e gjitha me kompozitë Estenia me shtresa duke i dhënë vëllimet e duhura dhëmbëve dhe pjesës ortopedike rozë me ndihmën e maskerinave në silikon të realizuara me anë të montazheve të dhëmbëve.

Figura 7 Punimi i përfunduar

Në figurë është e dukshme struktura e përfunduar e pamjes frontale. Mund të vihen re mos paralelizmat e implanteve nëpërmjet atashmenteve OT Equator të vendosur në strukturë; lartësitë e ndryshme të atashmenteve janë përcaktuar nga pjesa transmukozale.
Mund të vihet re edhe dalja e vidave vetëm në zonë posteriore.

Figura 8 Punimi i përfunduar

Proteza e përfunduar përpara dorëzimit, e lustruar në mënyrë perfekte në të gjitha pjesët e saj. Seeger që janë përdorur për fazat e laboratorit dhe provës janë hequr dhe përpara dorëzimit janë zëvendësuar me ato të rejat.

Figura 9 Punimi i përfunduar

Proteza është pozicionuar në zgavrën orale; mund të shohim qartë mbështetjen e mirë të buzëve, të ndihmuar nga fakti që është kryer një projekt fillestar me një provë estetike dhe pa vrima në zonën vestibulare të dhëmbëve anteriorë.

Figura 10 Punimi i vendosur në zgavrën orale

Konkluzione
Përdorimi i OT Bridge sistematike lejon realizimin e strukturave të vidhosura në implante edhe me implante jo paralele. Pritshmëritë estetike të pacientëve kanë ndryshuar, ashtu si edhe numri i implanteve të vendosura.
Duke u nisur gjithmonë nga një projekt duhet të kërkojmë estetikën dhe funksionin dhe më pas të zgjedhim zgjidhjen protetike më të indikuar.

OT Bridge sistematike, ndryshme nga ato klasike, lejon arritjen e një estetike më të mirë. Edhe aspekti funksional është shumë i rëndësishëm; me ndihmën e Seeger arrihen struktura më pasive si edhe më të thjeshta që të montohet dhe çmontohen.

Artikulli është punuar në bashkëpunim me Rhein83.

Përktheu: Valbona Spahia