Cilat pije mund të shkaktojnë veshjen e dhëmbit?

Lara Figini

Konsumimi i pijeve të gazuara lidhet me veshjen e dhëmbit, por të dhënat nga literatura për ushqimet e tjera dhe pijet acide janë ende të diskutueshme. Për më tepër, nuk i është kushtuar shumë vëmendje karakteristikave të tjera të rëndësishme të dietës, siç është faza dhe kohëzgjatja e ekspozimit të dhëmbëve ndaj substancave ose pijeve acide.
Një studim i publikuar në Journal of Public Health Dentistry në 2018, është përpjekur të analizojë këtë temë, të vlerësojë lidhjen ndërmjet tipeve e kohëve të ndryshme të ushqimit acid dhe është hetuar veshja e dhëmbëve tek adultët.

MATERIALE DHE METODA
Autorët kanë marrë të dhëna nga 3586 adultë, me moshë nga 18 vjeç e lart, që kanë marrë pjesë në National Health and Nutrition Examination Survey (NHANES) ndërmjet viteve 2003 dhe 2004. Të dhëna për katër lloje ushqimesh e pijesh acide (fruta, lëngje frutash, pije alkoolike dhe pijet e lehta me gaz) janë grumbulluar dhe analizuar si edhe janë analizuar kohët e konsumimit (vaktet e plota VS vaktet e ndërmjetme, duke u përcaktuar në bazë të përqindjes së konsumimit të energjisë totale që harxhohet dhe kohës së ditës). Shkalla e ashpërsisë së veshjes së dhëmbit (e moderuar apo e rëndë) u vlerësua në bazë të numrit të sipërfaqeve të dëmtuara të dhëmbëve.

REZULTATE
Konsumimi i pijeve të lehta me gaz gjatë vakteve lidhet me veshjen e dhëmbit, ndërsa konsumimi i frutave, lëngjeve të frutave dhe pijeve alkoolike nuk lidhet me të. Konsumimi i pijeve të lehta me gaz gjatë vakteve, nga të dhënat e këtij studimi, duket se është i vetmi faktor që lidhet në mënyrë konstante me veshjen e dhëmbit, pavarësisht nëse flitet për vakte të plota apo vakte të ndërmjetme.

KONKLUZIONE
Rezultatet e këtij studimi kanë treguar se konsumimi i rregullt i pijeve të lehta me gaz gjatë vakteve lidhet me veshjen e moderuar apo të rëndë të dhëmbëve tek adultët.
Kohëzgjatja e vakteve në fakt (vakte të plota VS vakte të ndërmjetme, kohë më e shkurtë apo më e gjatë e kontaktit acide-dhëmbë) nuk ndikon në pamjen e veshjes së dhëmbëve.

IMPLIKIMET KLINIKE
Të dhënat nga ky studim duhet të konfirmohen më tej me studime të tjera të ngjashme.

Përktheu: Valbona Spahia