Dëmtim i rëndë i elementeve frontalë. Një zgjidhje e kënaqshme e dëmtimit nga ana estetike

Nga Dr. Gianmarco Calabria

Nuk është gjithmonë e mundur që të vënë në zbatim një plan trajtimi ideal për çdo situatë klinike.

Pacienti i trajtuar në këtë rast, paraqitet në klinikë me një dëmtim të rëndë të elementeve dentarë të sektorit frontal, të trajtuar tashmë në mënyrë endodontike.

Problemi më i madh nga pacienti lidhet kryesisht me gjendjen estetike të buzëqeshjes së tij, por në të vërtetë paraqet humbjen e disa elementeve dentarë dhe dështimet restorative në sektorët posteriorë, me një reduktim të madh të dimensionit vertikal.

Një trajtim ideal në këtë rast do të nënkuptonte rikthimin e një dimensioni të saktë vertikal, me trajtim protetik në të dyja harkadat. Pacienti për fat të keq nuk është në gjendje që të mbështesë kostot e një rehabilitimi për të gjithë gojën dhe do të ishte plotësisht e gabuar që të ndërhyhej me protezë vetëm në sektorin frontal për arsye estetike, duke lënë të pandryshuar reduktimin e dimensionit vertikal.

Pra ka qenë e nevojshme që të vëmë në zbatim një plan trajtimi për dëmtimin, që do të zëvendësonte të paktën për momentin, gjendjen estetike të pranueshme nga pacienti ynë: janë kryer 5 rikonstruktime direkte në kompozitë me dorë të lirë, pa marrë gjurmë dhe pa përdorur një guidë palatale.

Materialet moderne në kompozitë paraqesin karakteristika të shkëlqyera të rezistencës mekanike dhe përdorimi i duhur i tyre lejon arritjen e restaurimeve me valencë të lartë estetike; këto materiale janë të riparueshme, një karakteristikë kjo shumë e dobishme mbi të gjitha në rastet e një limiti si ky.