Mbijetesa 10 vjeçare e implanteve me vendosje të menjëhershme te pacientët edentulë: një analizë me multi-nivele

Nga Lara Figini

Osteointegrimi i një implanti ka nevojë minimalisht për disa muaj shërimi dhe kjo periudhë që do të kërkonte mos vendosjen e menjëhershme të dhëmbëve, përballohet pothuajse gjithmonë me vuajtje nga ana e pacientëve, sidomos për ata që janë edentulë total, qoftë për arsye estetike qoftë për arsye funksionale.

Ja përse janë nënvizuar protokollet për vendosjen e menjëhershme për të arritur një funksionalitet të menjëhershëm te pacientët edentulë. Një nga këto metodika All-on-4, synon ndërmjet të tjerash minimizimin e invazionit kirurgjikal dhe është karakterizuar nga një rehabilitim i harkadës së plotë me të paktën katër implante.

Tipologjia e kërkimit dhe modaliteti i analizës
Në një studim klinik, të publikuar në Journal of Prosthodontic Research në janar 2019, autorët kanë vlerësuar rezultatet klinike afatgjata dhe faktorët e riskut për implantet që vendosen menjëherë në trajtimin e mandibulave plotësisht edentule.

Autorët kanë studiuar në mënyrë retrospektive 220 implante në 52 pacientë që kanë marrë implante me vendosje të menjëhershme në mandibula plotësisht edentule.

Për analizat statistikore janë përdorur analiza e mbijetesës së Kaplan-Meier, testi log-rank dhe analiza e parametrave të mbijetesës me efekte të përziera me multi-nivele.

Rezultate
Trembëdhjetë implante në shtatë pacientë kanë dështuar. Norma kumulative e mbijetesës së implanteve me vendosje të menjëhershme në mandibula për 10 vjet ka rezultuar të jetë 93,9% në mënyrë të konsiderueshme (p=0,049) më e lartë te gratë në krahasim me burrat.

Asnjë nga variablat parashikuese nuk është manifestuar në mënyrë të konsiderueshme e lidhur me mbijetesën e implantit, me përjashtim të gjinisë.

Konkluzione
Nga të dhënat e nxjerra nga ky studim klinik japonez, që në fakt duhet të gjejnë konfirmim në punime të tjera analoge, mund të dalim në konkluzionin se trajtimi implantar me vendosje të menjëhershme për mandibulat plotësisht edentule ofron rezultate klinike të pranueshme afatgjata (10 vjet).

Implikime klinike
Në rastet e edentulisë totale kur pacienti manifeston një shqetësim të papërfillshëm qoftë estetik qoftë funksional, stomatologu mund të besojë për një sukses afatgjatë të metodikave me vendosje të menjëhershme.

Për më tepër:
Kaneda K, Kondo Y, Masaki C, Mukaibo T, Tsuka S, Tamura A, Aonuma F, Shinmyouzu K, Iwasaki M, Ansai T, Hosokawa R. Ten-year survival of immediate-loading implants in fully edentulous mandibles in the Japanese population: a multilevel analysis. J Prosthodont Res 2019 Jan;63(1):35-9.

Përktheu: Valbona Spahia