Roli i polimerizimit në stomatologjinë adezive

Nga Lorenzo Breschi

Në epokën e ndërhyrjeve minimalisht invazive, stomatologjia adezive ka revolucionarizuar në mënyrë të konsiderueshme praktikën klinike të pjesës më të madhe të stomatologjisë, duke lejuar realizimin e procedurave dentare që në të kaluarën janë konsideruar të paimagjinueshme, pa krijuar një kavitet mbajtës dhe duke sakrifikuar strukturën e dhëmbëve të shëndetshëm.

Megjithatë, materialet me bazë rezinë kompozitë arrijnë vetitë e tyre përfundimtare pas polimerizimit, që lejon stabilizimin e polimerit.

Një dështim i restaurimeve adezive mund të jetë një pasojë e polimerizimit të papërshtatshëm të materialit për shkak të faktorëve të ndryshëm intrinsikë dhe ekstrinsikë.

Rishikimi i publikuar në Dental Materials në janar 2019 që është nxjerrë nga grupi i kërkimit të profesoreshë Milena Cadenaro ka analizuar aspektet që janë në gjendje të influencojnë polimerizimin e materialit dhe ka lejuar që të afirmohet që fotopolimerizimi është një procedurë klinike që ka implikacione të ndryshme dhe është më kompleks nga sa duket.

Është treguar sesi efikasiteti i polimerizimit varet:
• nga karakteristikat e materialit dhe të molekulave të përfshira në formulim;
• nga teknika e profesionistit;
• nga cilësia e unitetit të fotopolimerizimit.

Avullimi i duhur i tretësve mund të përmirësojë polimerizimin e sistemit adeziv dhe një kohë më të gjatë forcimi mund të rrisë shërbimet dhe qëndrueshmërinë e sistemeve adezive.

Përveç këtyre, duhet të sqarohet efekti mbi reagimin e forcimit të molekulave të shtuara në formulimet adezive për të kundërshtuar degradimin e ndërfaqes adezive me kalimin e kohës.

Konkluzionet
Autorët përfundojnë se një polimerizim i përshtatshëm i rezinave kompozitë është lidhur qartësisht me jetëgjatësinë e restaurimeve adezive dhe është influencuar fortësisht nga shkalla e konvertimit të sistemit adeziv.

Në fund, duke qenë se faktorë të ndryshëm mund të interferojnë me reagimin e polimerizimit, është i nevojshëm një observim i përpiktë i aplikimit adeziv dhe i protokollit të polimerizimit për të garantuar vetitë optimale të materialit.

Për më tepër:
Cadenaro M, TatjanaMaravic T, Comba A, Mazzoni A, Fanfoni L, Hilton T, Ferracane J, Breschi L. The role of polymerization in adhesive dentistry. Dental Materials 2019;35(1):e1-e22.

Përktheu: Valbona Spahia