Një studim i randomizuar për impaktin e pozicionimit implantar të menjëhershëm në metodikat e ruajtjes alveolare post-ekstraktive

Dr. Marco Clementini

Inserimi i implantit menjëherë (pas ekstraktimit të dhëmbit) është një opsion kirurgjikal i karakterizuar nga përfitime të larta qoftë për pacientin qoftë për profesionistin, sepse redukton numrin e ndërhyrjeve kirurgjikale dhe kohën e trajtimit.

Por sidoqoftë mbetet një procedurë që paraqet një risk diskret komplikacionesh estetike për periudhën në vijim, mbi të gjitha nëse kryhet në një sektor anterior pasi nuk kundërshton zvogëlimin morfologjik në të cilin një kreshtë e mprehtë plotësohet fiziologjikisht pas një ekstraktimi dentar. Edhe pse janë futur disa teknika kirurgjikale (të denominuara "ruajtje alveolare") në gjendje për të reduktuar ndryshimet morfologjike të kreshtës edentule pas një ekstraktimi dentar, këto kanë nevojë për një periudhë mjaftueshëm të gjatë (4-12 muaj) shërimi përpara se të inserohet një implant.

Në Departamentin e stomatologjisë në Universitetin Vita-Salute San Raffaele në Milano është kryer pra një studim klinik i randomizuar, i financuar nga Osteology Foundation, që ka pasur qëllimin që të hetojë impaktin e pozicionimit implantar menjëherë në ndryshimet dimensionale të alveolave post-ekstraktive të trajtuar me një teknikë të ruajtjes së kreshtës alveolare.

Pacientët adultë janë seleksionuar në bazë të disa kritereve të përfshirjes, ndërmjet të cilëve:
• nevoja për të kryer ekstraktimin e një elementi dentar të sektorit frontal (nga premolari djathtas deri te premolari majtas) në harkadën maksilare ose mandibulare;
• prania pas ekstraktimit dentar e kockës kortikale vestibulare të plotë;
• prania e një gjendjeje të mirë të shëndetit të përgjithshëm dhe të një gjendjeje të shëndetit periodontal.
Pas ekstraksionit, pacientët janë randomizuar në tre tipologji trajtimi (fig. 1):

• shërimi spontan;
• lidhja e biomaterialit heterolog (Geistlich Bio-Oss Collagen; Geistlich Pharma AG, 6110 Wolhusen, Zvicër) në brendësi të alveolës dhe e një matrice në kolagjen heterolog (Geistlich Mucograft Seal; Geistlich Pharma AG, Bahbhofstrasse 40, 6110 Wolhusen, Zvicër) në mbulimin e alveolës;
• vënia e menjëhershme e implantit (TTi EINSIX®, Biosafin, Ancona, Itali) dhe lidhja e një bimateriali heterolog (Geistlich Bio-Oss Collagen; Geistlich Pharma AG, 6110 Wolhusen, Svizzera) në hapësirën e mbetur në brendësi të alveolës dhe të një matrice kolagjeni heterolog (Geistlich Mucograft Seal; Geistlich Pharma AG, Bahbhofstrasse 40, 6110 Wolhusen, Zvicër) në mbulimin e alveolës.

Fig. 1 Grupi i trajtimit: a) shërimi spontan; b) ruajtja alveolare; c) ruajtja alveolare+implanti i menjëhershëm

Të dhënat radiografike të fituara, përpara ekstraktimit dentar dhe pas 4 muajsh nga shërimi pas ndërhyrjes së ndarë, nëpërmjet një Cone Beam Computer Tomography (Newton VGI evo), kanë treguar që (fig. 2):

• pjesët e lëna që të shërohen spontanisht kanë paraqitur një kontraktim morfologjik me rreth 3 mm në drejtim horizontal (43% me dimension horizontal total), me një reduktim më të madh (2,5 mm) në pjesën më koronale vestibulare;
• pjesët e trajtuara nëpërmjet një ruajtje alveolare kanë paraqitur një kontraktim horizontal në mënyrë të konsiderueshme më të ulët (19% e dimensionit horizontal total), me një reduktim në zonën vestibulare koronale me 1 mm;
• pjesët e trajtuara nëpërmjet inserimit të implantit menjëherë dhe ruajtjes alveolare kanë paraqitur rezultate të ngjashme (reduktimi me 1,3 mm, ekuivalent me 15% të dimensionit horizontal total) me ato të trajtuara vetëm me ruajtjen alveolare.

Fig. 2 CBCT në fillim dhe pas 4 muajsh: a) shërimi spontan; b) ruajtja alveolare; c) ruajtja alveolare+implanti menjëherë

Nga rezultatet e këtij studimi ka qenë e mundur që të dalim në përfundimin se një inserim implantar menjëherë që lidhet me një teknikë të ruajtjes alveolare mund të kryhet në raste të zgjedhura (prania e 4 mureve pas ekstraktimit dentar, me një mur vestibular me të paktën 1 mm trashësi), një reduktim qoftë i risqeve estetike (si pasojë e kontraktimit më të vogël morfologjik të kreshtës) qoftë i kohëve të trajtimit (duke marrë parasysh përshpejtimin e fazës së inserimit të implantit).

Përktheu: Valbona Spahia