Lidhja e medikamenteve të ndryshme imunosupresive me gjendjen periodontale te pacientët me artrit reumatoid: rezultatet nga një studim cross-sectional

Nga Lara Figini

Studime të ndryshme të literaturës sjellin një lidhje ndërmjet periodontitit dhe artritit reumatoid (AR) (Romero, 2017). Të dyja patologjitë paraqesin karakteristika multifaktoriale dhe janë karakterizuar nga episode sezonale dhe progresive.

Në fakt studime të ndryshme kanë evidentuar sesi marrja e barnave të ndryshme që përdoren për terapinë e AR mund të kenë efekte dhe të interferojnë në përkeqësimin e sëmundjes periodontale dhe në inflamacionin periodontal (Pers, 2008; Kobayashi, 2014).

Tipologjia e kërkimit dhe modaliteti i analizës
Në një studim klinik, të publikuar në Journal of Periodontology në nëntor 2018, janë analizuar zbulimet periodontale, pavarësisht prevalencës së baktereve potencialisht patogjene në një grup pacientësh me AR të cilët janë trajtuar me barna të ndryshme imunosupresive (reumatike). Autorët kanë supozuar se diferencat në terapinë për artrititin reumatoid do të preknin gjendjen periodontale të individëve me AR.

168 pacientë me AR që i janë nënshtruar terapive me barna të ndryshme imunosupresive janë përfshirë dhe janë ndarë në nëngrupe sipas recetës që i është dhënë 6 muajt e fundit.

Nëngrupet e klasifikuar në bazë të barnave të marrë për AR ishin:
• pacientët në terapi me barna anti-inflamatore me steroide (FANS) dhe glukokortikoide të kombinuar e barna të ndryshme antireumatoidë të modifikuar (DMARD);
• pacientët në terapi me metotreksat (MTX);
• pacientët në terapi me leflunomide;
• pacientët në terapi me MTX dhe antagonistë të kombinuar me faktorin e nekrozës tumorale (TNF-alfa);
• pacientët në terapi me antagonistët e interleukinë-6 (IL-6);
• pacientët në terapi me MTX dhe rituximab të kombinuar;
• terapitë e kombinuara të dy nga DMARD.

Ekzaminimi periodontal konsiston në zbulimin dhe regjistrimin e të dhënave mbi pacientët rreth treguesit të gjakrrjedhjes së papilës (PBI), thellësisë së sondimit periodontal (PD), gjakrrjedhjes gjatë sondimit (BOP) dhe humbjes së ngjitjes klinike (AL). Autorët kanë kategorizuar pacientët në bazë të periodontitit të klasifikuar si mungues apo i lehtë, i moderuar ose i rëndë.

Kampionët e marrë nga fluidi krevikular gingival janë analizuar me qëllim që të evidentohet prania e 11 baktereve periodontale patogjene.

Rezultatet
Pacientët në terapi me MTX+TNF-alfa kanë treguar vlera më të larta të PBI dhe BOP në krahasim me ato në terapi me leflunomide (P<0,01) dhe vlera superiore të BOP në krahasim me pacientët në terapi me MTX+rituximab (P<0,02).

Speciet bakteriale Porphyromonas gingivalis (P<0,01), Treponema denticola (P<0,01), Fusobacterium nodatum (P = 0,02) dhe Capnocytophaga (P = 0,05) kanë rezultuar të lidhura me nëngrupe të ndryshme barnash, për të cilat testi post hoc ka konfirmuar diferencat e vetme për nëngrupe të ndryshme barnash.

Konkluzione
Nga të dhënat e nxjerra nga ky studim klinik, marrja e barnave për terapinë e artritit reumatoid (AR) duket se lidhet me inflamacionin periodontal, pa diferenca në përkeqësimin e sëmundjes periodontale.

Marrja e kombinuar e MTX+TNF-alfa tregon një potencial të shtuar për të zhvilluar një inflamacion periodontal. Përveç kësaj, janë zbuluar diferenca të rëndësishme në prevalencën e specieve bakteriale të zgjedhura.

Implikacione klinike
Deri më tani ky studim rezulton të jetë i vetmi hetim sistematik mbi lidhjet ndërmjet barnave imunosupresive dhe të dhënave kliniko-mikrobiologjike te pacientët me artrit reumatoid, prandaj nevojiten konfirmime me studime të tjera analoge.

Gjithashtu duhet të theksohen limitet e këtij punimi: për shkak të testeve të shumta, probabiliteti që të prodhohen negativë falsë mund të jetë rritur. Prandaj autorët kanë marrë në konsideratë medikamentin e përdorur nga pacienti në gjashtë muajt e fundit, por nuk janë marrë në konsideratë ato që janë marrë më parë si edhe kohëzgjatja e përdorimit të tyre.

Për më tepër:
Romero-Sanchez C, Rodríguez C, Santos-Moreno P et al. Is the treatment with biological or non-biological DMARDs a modifier of periodontal condition in patients with rheumatoid arthritis? Curr Rheumatol Rev 2017;13:139-51

Pers JO, Saraux A, Pierre R, Youinou P. Anti-TNF-alphaimmunotherapy is associated with increased gingival inflammation without clinical attachment loss in subjects with rheumatoid arthritis. J Periodontol 2008;79:1645-51

Kobayashi T, Yokoyama T, Ito S et al. Periodontal and serum protein profiles in patients with rheumatoid arthritis treated with tumor necrosis factor inhibitor adalimumab. J Periodontol 2014;85:1480-8.

Ziebolz D, Rupprecht A, Schmickler J, Bothmann L, Krämer J, Patschan D, Müller GA, Mausberg RF, Schmidt J, Schmalz G, Patschan S. Association of different immunosuppressive medications with periodontal condition in patients with rheumatoid arthritis: results from a cross-sectional study. J Periodontol 2018 Nov;89(11):1310-7.

Përktheu: Valbona Spahia