Përdorimi i një matrice dermike me origjinë nga derri dhe i një zëvendësuesi kockor sintetik në procedurat e GBR në sektorin estetik

Nga Piero Papi

Në këtë artikull paraqitet sinteza e punimit të realizuar nga doktor Piero Papi, i cili është vlerësuar me çmimin bienal "Straumann-botiss YoungPro Award" në Kongresin Bone and Tissue Days.

Studimi
Në këtë studim, të kryer në UOC për Kirurgjinë Orale në Poliklinikën Umberto I, janë regjistruar 15 pacientë, me nevojë për rehabilitim implanto-protetik në sektorin estetik. Objektivat e këtij studimi ishin që të vlerësoheshin rezultatet e përdorimit të një matrice dermike tridimensionale me origjinë nga derri dhe përdorimi i një zëvendësuesi kockor sintetik në procedurat e rigjenerimit kockor të drejtuar, në kontekstin e pozicionimit të implantit.

Pacientët e regjistruar kishin mungesë të incizivëve qendrorë dhe lateralë superiorë, me një gjerësi dhe trashësi të gingivës së keratinizuar më të vogël se 2 mm dhe humbje të konveksitetit gingival për shkak të ekstraksionit të dhëmbëve, që është kryer 8 javë më parë.

Janë pozicionuar implantet dentare (Bone Level Tapered Roxolid, Straumann), me diametër standard ose të reduktuar dhe është kryer rigjenerimi kockor i drejtuar duke përdorur një zëvendësues kockor sintetik (Maxresorb, botiss biomaterials) për të korrigjuar defektin kockor dhe për të rikthyer trashësinë e duhur të murit vestibular dhe një matricë dermike 3D (Mucoderm, botiss biomaterials) për të rikthyer konveksitetin e humbur gingival.

Fig. 1 Situata klinike pre-operatore e konveksitetit gingival në rastin e mungesës së një incizivi lateral majtas

Fig 2 Rigjenerimi kockor i drejtuar me Maxresorb

Fig.3 Mbyllja me matricë Mucoderm, e lënë pjesërisht e ekspozuar

Rezultatet pas një viti follow-up tregojnë një fitim mesatar me rreth 2 mm të gingivës së keratinizuar rreth implantit, qoftë në gjerësi qoftë në trashësi, me një qëndrueshmëri të indeve peri-implantarë në dekursin e periudhës së observimit.

Përdorimi i kësaj membrane ka lejuar që të shmanget tërheqja nga qiellza e një shtese të indit lidhor, me rezultate të shkëlqyera estetike dhe funksionale.