Marrëdhënia midis kurkumës dhe periodontitit: analiza të literaturës

Hyrje
Stile jetese korrekte dhe zakone të përshtatshme të ushqyerjes ndikojnë në stresin oksidativ dhe në mekanizmat e rregullimit të inflamacionit duke shkaktuar një reduktim të efekteve të tij shkatërruese. Në fakt ka mikro dhe makro nutrientë të shumtë me aktivitet antioksidant dhe antiinflamator me veprim në nivel sistematik, si rrjedhojë gjithashtu në nivel periodontal. Kurkuma gjithashtu e quajtur edhe turmerik është polifenoli më i përdorur në dietë. Komponenti i saj bioaktiv, kurkumin (diferuloylmethane), është vërtetuar se zotëron një spektër të gjerë interesant dhe favorizues të karakteristikave biologjike, si në nivel sistemik ashtu dhe në atë periodontal. Në fakt karakteristikat anti-inflamatore, antioksidante, antikancerogjene, si agjent kundër uljes së kolesterolit, anti-ulecerë, anti-hipertension, antikoagulante dhe antibakteriale kanë qenë hamendësuar në studime të ndryshme. Lidhur me sëmundjet periodontale efektet më të rëndësishme të kurkumin përfshijnë: anti-inflamatore, antioksidante, antibakteriale, anti-ulcer dhe si agjent anti-hiperkolesterolemik, epigjenetikën e modulimit të përgjithshëm të proceseve inflamatore dhe kontrollit oksidativ. Në rishikimin e literaturës autorët synonin që të pasqyronin efektet antiinflamatore të kurkumin në indet orale dhe periodontale.

Materiale dhe metoda
Një rishikim i literaturës u krye duke futur fjalët kyçe në vijim si në anglisht dhe në italisht: sëmundjet periodontale, periodontit, kurkuma, kurkumin, mjekësia anti-plakje dhe stresi oksidativ. U përdorën faqet e mëposhtme të uebit: PubMed, Scopus, ISI Web of Knowledge, Research Gate, Google Scholar. Vetëm artikujt shkencorë dhe tekstet mësimore të publikuara midis vitit 1989 dhe 2016 u përfshinë në rishikim së fundmi.

Rezultate
Analiza e literaturës zbuloi se kurkumin duket se është një agjent antibakterial i vlefshëm me karakteristika të mira për reduktimin e pllakës bakteriale dhe duket se ka efekte anti-inflamatore pasi është i aftë të reduktojë inflamacionin gingival. Në vijim të terapisë jo kirurgjikale periodontale, kurkumin tregoi një reduktim të rëndësishëm të shenjave të inflamacionit gingival dhe proliferimit dhe aktivitetit të baktereve.

Konkluzione
Kërkime gjithnjë e më të shumta konfirmojnë se sëmundjet inflamatore mund të menaxhohen më mirë duke interferuar me ushqyerjen e pacientit. Disa lloje të ushqimeve si kurkumin mund të veprojnë si një mbështetje për terapitë tradicionale. Gjithashtu periodontiti mund të menaxhohet më mirë me ndërhyrjet e kombinuara të terapisë tradicionale, higjienën orale dhe suportin nutricional dhe nutraceutik.

Domethënia klinike
Studime gjithmonë e më të shumta konfirmojnë se si sëmundjet inflamatore mund të menaxhohen më mirë duke ndërhyrë në zakonet e të ngrënit të pacientëve dhe më në përgjithësi me stilin e tij të jetesës. Zgjedhja e ushqimit, niveli i aktivitetit fizik dhe cilësia e gjumit janë disa nga rregullatorët e rëndësishëm në nivelin epigjenetik që mund të ndihmojnë në modulimin e proceseve inflamatore. Disa ushqime në veçanti, të dy në formën natyrale dhe si nutraceutikal, të tillë si kurkumin, kanë potencialin që të shërbejnë si suport për terapinë tradicionale. Ky duket se është rasti gjithashtu për periodontitin i cili gjithashtu mund të adresohet mirë me një ndërhyrje të integruar që konsiston në terapinë tradicionale, higjienën orale në shtëpi dhe mbështetjen nutricionale dhe nutraceutikale.

Artikullin e plotë e gjeni duke klikuar këtu.

Përktheu: Erjola Taga