Efikasiteti i instrumenteve mekanike magnetostriktive te pacienti i prekur nga hiperndjeshmëria dentinale

Nga Giulia Ottaviano

Falë evolucionit në vitet e fundit, sistemet e reja të amputimit magnetostriktiv mund të përdoren tashmë me rezultate të shkëlqyera edhe në situata klinike të veçanta.

Në këtë raport të rastit (që ka rezultuar një nga fituesit e konkursit Cavitron Case Contest që Dentsply Sirona ka organizuar ndërmjet studentëve të vitit të fundit në Fakultetin e Higjienës Dentare) janë treguar kalimet e ndryshme të një trajtimi të higjienës orale profesionale nëpërmjet përdorimit të pajisjes Cavitron dhe të përbërësve të tjerë të sistemit të parandalimit Dentsply Sirona te një paciente që paraqet një hiperndjeshmëri të lartë dentinale.

Rasti Klinik
Një femër 30 vjeç, duhanpirëse, e prekur nga psoriaza artropatike me manifestime edhe në nivelin e zgavrës orale, me episode të shpeshta të gjakosjes spontane, me praninë e një copëze radikolare të pavitalizuar në pjesën e 2.4 dhe me hiperndjeshmëri të fortë dentinale, paraqitet për vizitë duke u ankuar për problematikën e saj të hiperndjeshmërisë dhe frikën nga higjiena orale profesionale për shkak të kësaj të fundit.

Është kryer vizita e parë, anamneza dhe grumbullimi i të dhënave klinike. Pacientja i nënshtrohet pra një ekzaminimi të kujdesshëm periodontal, të ndjekur nga një diagnozë e periodontitit kronik të moderuar të gjeneralizuar; në ekzaminimin objektiv paraqet mbetje tartari supra dhe subgingival, pllakë, prani të gingivave edematoze me gjakosje spontane dhe gjatë sondimit.

Figura 1 Situata fillestare

Fazat e trajtimit
Faza 1: dekontaminimi dhe ulja e ndjeshmërisë. Si fazë e parë e ndërhyrjes është kryer shkatërrimi i ngarkesës bakteriale nëpërmjet një shpëlarjeje me solucion me klorheksidinë (Eburos Professional 0,20%).

Përpara se të fillohet trajtimi i higjienës orale profesionale me pajisjen Cavitron, është aplikuar, në të gjithë kuadrantët, pasta Nupro Sensodyne me NovaMin, një ingredient bioaktiv që përdor jone kalciumi dhe fosfati për të mbyllur tubulat dentinale dhe për të reduktuar ndjeshmërinë e pacientes në mënyrë që të jetë komode gjatë gjithë seancës.

Figura 2

Faza 2: amputimi magnetostriktiv. Gjatë kësaj faze janë pajtuar me njëra-tjetrën dhe janë kryer dy seanca, një e amputimit të tartarit dhe tjetra për përfundimin e trajtimit dhe lucidimin, me një distancë 5 ditore nga njëra-tjetra.

Faza e parë e amputimit është kryer përmes përdorimit të insertit Powerline FSI-10 FitGrip 30K blu i Cavitron, që nevojitet për heqjen e përgjithshme të mbetjeve të pllakës dhe tartarit supragingival në të gjithë kuadrantët e gojës.

Figura 3

Duke marrë parasysh tartarin subgingival të pigmentuar është kryer heqja e tij me instertin Powerline Slimline-10 FSI 30K i gjelbër i indikuar për heqjen e mbetjeve subgingivale dhe dekontaminimin e xhepave radikolarë <4 mm.

Figura 4

Më pas, është përdorur inserti ThinSert për të arritur zonat më të vështira dhe për të përfunduar hapësirat interproksimale duke qenë se forma e saj përshtatet shumë mirë me hapësirat e ngushta.

Figura 5

Në fund të amputimit magnetostriktiv ishte e dukshme gjendja inflamatore e indeve të buta.

Figura 6

Në javën ndërmjet dy takimeve është dhënë indikacioni për pacienten që të kryejë shpëlarje për 60 sekonda/dy herë në ditë me kolutorin Ebuos me bazë klorheksidine 0,12%. Përveç kësaj është instruktuar për manovrat e higjienës orale në shtëpi në mënyrë sa më të përshtatshme ndaj nevojave të saj.

Faza 3: silanti dhe lustrimi. Pacientja është thërritur pas pesë ditësh dhe indet e buta ishin më pak edematozë dhe të inflamuar. Është vlerësuar prania e mbetjeve të tartarit subgingival dhe njollat estrinsike. Në fund të trajtimit të debridement dhe pastrimit të tartarit është kryer një fazë përfundimi dhe lucidimi me mikromotor duke përdorur një pastë abrazive (Nupro Paste).

Figura 7

Thelbësore për problematikën e pacientes, si hap i fundit, është aplikuar një silant mbrojtës kundër hiperndjeshmërisë për dentinën e ekspozuar (Seal&Protect).

Silanti është aplikuar në pjesën e nevojshme për 20 sekonda; më pas është hequr pjesa e tepërt duke e fryrë me ajër me anë të një shiringe të njësisë për disa sekonda dhe është polimerizuar për 10 sekonda. Kjo procedurë është përsëritur dy herë.

Figura 8

Në takimin e kontrollit pas një jave nga vizita e dytë indet e buta kishin rifituar aspektin e tyre fiziologjik në ngjyrë dhe konsistencë si edhe kishte mungesë të gjakosjes qoftë spontane qoftë gjatë sondimit.

Figura 9

Pacientes i është përforcuar motivimi dhe instruksionet e higjienës në shtëpi në mënyrë që të reduktohet më tej ndjeshmëria dhe të ruhet gjendja e shëndetit periodontal.

Figura 10 Situata post-trajtim

Për të trajtuar hiperndjeshmërinë dentinale para së gjithash duhet të parandalohen shkaqet, duke eliminuar faktorët e riskut:
• kufizimi i konsumimit të ushqimeve dhe pijeve acide/të gazuara dhe shmangia e mbajtjes në gojë për një kohë të gjatë për t'i degustuar;
• konsumimi i pijeve alkaline (qumësht) ose të paktën neutrale (ujë) pas konsumimit të pijeve acide;
• shmangia e larjes së dhëmbëve direkt pas vakteve, por lënia të paktën për 30 minuta për të shmangur efektin e kombinuar të erozionit acid dhe abrazionit të larjes me furçë;
• përdorimi i një teknike të saktë të larjes së dhëmbëve;
• shmangia e larjes së dhëmbëve në mënyrë agresive, pra duke mos përdorur furça me fije të ashpra dhe pasta shumë abrazive (American Dental Association këshillon që të përdoren pasta dhëmbësh me abrazivitet më të ulët se 30 RDA kur është e pranishme dentina e ndjeshme).
Trajtimi për menaxhimin e hiperndjeshmërisë dentinale vendoset në mënyrë graduale duke filluar nga kurat në shtëpi, për të cilat i është rekomanduar pacientes një furçë elektrike me kokë të rrumbullakët dhe të vogël për të pastruar në mënyrë korrekte të gjitha zonat e zgavrës orale; përdorimi i një paste dhëmbësh dhe kolutori për uljen e ndjeshmërisë; furça interdentare për të pastruar mirë hapësirat interdentare dhe filli interdentar për zonat më të ngushta.

Materiale dhe metoda
Pacientja është trajtuar me:
• amputim magnetostriktiv Cavitron Select SPS;
• Eburos Professional 0,20% për shkatërrimin e ngarkesës bakteriale (solucion me klorheksidinë);
• Nupro Sensodyne me NovaMin për fazën e uljes së ndjeshmërisë në sipërfaqet që do trajtohen;
• Powerline FSI-10 fit Grip për të hequr mbetjet e tartarit supragingival;
• SlimLine-10 FSI për të hequr mbetjet e tartarit subgingival;
• ThinSert për zonat më të ngushta;
• Nupro Paste për përfundimin dhe lucidimin;
• Seal&Protect, aplikimi i një silanti mbrojtës për dentinën e ekspozuar.

Diskutime dhe konkluzione
Konkluzionet mund të nxirren nga rezultati përfundimtar që sheh një përmirësim në aspektin e ngjyrës dhe të konsistencës së gingivës, në gjakosjen dhe në mungesën e pllakës dhe tartarit.

Përdorimi parandalues i pastës për profilaksinë Nupro Sensodyne e ka bërë më të durueshëm trajtimin nga ana e pacientes së prekur nga hiperndjeshmëria dentinale; përveç kësaj, teknologjia magnetostriktive dhe insertet Cavitron kanë lejuar një akses të lehtë në zonat interproksimale dhe subgingivale për të dekontaminuar xhepat periodontalë më të thellë.

Lëvizja elipsoidale e majës dhe funksionet e ndryshme të amputuesit ultrasonik magnetostriktiv kanë lejuar punimin me një përputhshmëri më të madhe dhe me një perceptim të reduktuar të dhimbjes nga ana e pacientes.

Hiperndjeshmëria dentinale është një problem relativisht i zakonshëm që ndeshet në praktikën stomatologjike klinike. Kjo gjendje mund të sjellë probleme qoftë fizike qoftë psikologjike për pacienten dhe mund të ketë një efekt negativ në cilësinë e jetës së personit të përfshirë.
Janë të disponueshëm opsionet e ndryshme të trajtimit për hiperndjeshmërinë dentinale. Një diagnozë e përshtatshme dhe një plan i saktë trajtimi paraqesin kushtet thelbësore për terapinë.

Përktheu: Valbona Spahia