Duhanpirja dhe implantet, raport i vështirë. Arsyet përse suksesi i implanteve reduktohet te duhanpirësit

Lara Figini

Duhanpirja lidhet me një gamë të gjerë rreziqesh për shëndetin të dokumentuara mirë dhe është implikuar në patogjenezën e shumë sëmundjeve sistemike. Një rol negativ të duhanpirjes, të treguar tashmë gjerësisht në kërkime është kompromentimi i shërimit të plagëve. Studime të ndryshme kanë treguar efektet negative të duhanpirjes në shëndetin oral. Një studim klinik ka vëzhguar që duhanpirësit kishin një prevalencë më të madhe të periodontitit të moderuar dhe të rëndë dhe një prevalencë më të madhe të humbjes, rënies apo humbjes së ngjitjeve te gingivat në krahasim me jo duhanpirësit, duke konstatuar kështu një shëndet më të dobët te duhanpirësit.

Është parë edhe që duhanpirja mund të kompromentojë suksesin e implanteve dentare dhe më specifikisht është një faktor me rrezik të provuar për:
1) Humbjen e parakohshme të implantit;
2) Komplikime biologjike, si perimplantiti dhe mukoza peri-implantare
3) Humbja më e madhe e kockës anësore
Në një artikull në Journal of Dentistry është botuar një rishikim sistematik (Bruno Ramos Chrcanovic, Tomas Albrektsson and Ann Wennerberg; Smoking and dental implants: A systematic review and meta-analysis. Journal of Dentistry 43, 487-498.) mbi incidencën negative të duhanpirjes mbi suksesin e implanteve dentare. Në këtë rishikim janë marrë në konsideratë studimet klinike të rastësishme që krahasonin rezultatet e suksesit/dështimit të implanteve tek individët duhanpirës përballë rezultateve të marra te jo duhanpirësit. Strategjia e kërkimit e përshtatur nga autorët ka çuar në seleksionimin e 1.432 botimeve, prej të cilave 107 janë gjykuar të pranishme dhe përfshihen në rishikim, me 19,836 implante të futura tek individët duhanpirës, me 1.259 dështime (6,35%) dhe 60.464 implante të pozicionuar te jo duhanpirësit, me 1.923 dështime (3.18%).
Është e dukshme që duhanpirja nuk është e mirë për shëndetin oral dhe mund të reduktojë suksesin e implanteve sepse nikotina e marrë në mënyrë kronike për një farë kohe e orientuar drejt një strukture kockore të rrallë (Bain 1993), ndërvepron negativisht te sistemi imunitar i organizmit (duke interferuar me vitalitetin e polimorfonuklearëve (PMN) dhe me aftësinë e tyre të fagocitozës)(Kenney 1997), vonon mekanizmat e shërimit të plagëve dhe ndryshon aktivitetin fibroblastik. Duhanpirja dëmton indin kockor dhe indet e buta edhe pse modifikon qarkullimin dhe mikroqarkullimin e gjakut (Crawford 1996). Për këto arsye të ndryshme Branemark sugjeron një protokoll të ndërprerjes së duhanit 1 javë përpara dhe 8 javë pas ndërhyrjes kirurgjike në mënyrë që të pozicionohen implantet.
Rezultatet e studimit të tanishëm sugjerojnë që duhanpirja ndikon negativisht te suksesi i implanteve dentare duke rritur rrezikun e infeksionit pas operacionit dhe humbjen e kockës anësore. Supozohet se duhanpirja ndërvepron negativisht tek osteogjeneza dhe angiogjeneza. Ja përse është e rëndësishme të motivohet pacienti që do t'i nënshtrohet riaftësimit me implante që të heqë dorë nga vesi i duhanpirjes përfundimisht ose sidoqoftë ta kufizojë atë sa më shumë të jetë e mundur.

Nën kujdesin e : Lara Figini, Koordinatore Shkencore e Odontoiatria33

Bibliografia:
- Bruno Ramos Chrcanovic, Tomas Albrektsson and Ann Wennerberg. (2015) Smoking and dental implants: A systematic review and meta-analysis. Journal of Dentistry 43, 487-498.
Online publication date: 1-May-2015.
- J Periodontol. 2013 Dec;84(12):1775-82.
Implant survival and marginal bone loss at turned and oxidized implants in periodontitis-susceptible smokers and never-smokers: a retrospective, clinical, radiographic case-control study. Sayardoust S, Gröndahl K, Johansson E, Thomsen P, Slotte C.
- Clin Oral Implants Res. 2009 Jun;20(6):588-93. Histometric evaluation of bone around titanium implants with different surface treatments in rats exposed to cigarette smoke inhalation. Correa MG, Gomes Campos ML, César-Neto JB, Casati MZ, Nociti FH, Sallum EA.
- J.M. Albandar, C.F. Streckfus, M.R. Adesanya, D.M. Winn. Cigar, pipe, and cigarette smoking as risk factors for periodontal disease and tooth loss. Journal of Periodontology, 71 (2000), pp. 1874-1881
- O. Ciftci, M. Gunday, M. Caliskan, H. Gullu, A. Guven, H. Muderrisoglu. Light cigarette smoking and vascular function. Acta Cardiologica, 68 (2013), pp. 255-261
- A.Crawford:"Smoking and implant failure..." Int. J. Oral Maxillofacial Impl. 1996; 11:756-759
- C.A.Bain, P.K.May:"The influence of smoking on bone..." Int. J. Oral Maxillofacial Impl. 1993; 9:123-128
- E.B.Kenney:"The effect of cigarette smoke..."J.Periodontal Res. 1997; 12:227-234

Përktheu: Valbona Spahia