Furçat manuale apo elektrike për personat e moshuar

Një kërkim shkencor ka vlerësuar se cilat janë më të mirat

Nga Figini Lara

Ruajtja e një higjiene të duhur orale te personat e moshuar është thelbësore, në mënyrë që të përpiqemi të ruajmë sa më gjatë në njësi dhëmbët e tyre natyralë të mbetur, në kushte të shëndetshme dhe për të shmangur trajtime stomatologjike që shpesh në këto individë rezultojnë të jenë më të vështira për t'u ndjekur, si për kushtet sistematike si për kapacitetin bashkëpunues të tyre.

Ruajtja e një higjiene të duhur orale gjithashtu është e rëndësishme dhe për të shmangur dëmtime sistemike nga higjiena e keqe orale që mund të nxisë shpërthime infeksionesh, akute dhe kronike, të dëmshme për shëndetin e përgjithshëm.

Sipas një studimi të Sjogren të 2008, për shembull, rreth 1 në 10 raste të pneumonive te të moshuarit rezidentë në shtëpitë e kurimit mund të parandalohet duke përmirësuar gjendjen orale.

Te personat e moshuar, mbi të gjitha në ato të shtruar në shtëpitë e të moshuarve, shpesh problematika kryesore është ajo që t'i motivojmë për një higjienë të mirë orale dhe ndonjëherë manovrat e higjienës orale thjeshtohen në maksimum për shkak të vështirësive të tyre motore, konjitive dhe të koordinimit.

Tipologjia e kërkimit dhe mënyra e analizimit
Në një studim klinik të randomizuar (RCT) publikuar në Acta Odontologica Acandinavica, maj 2018 krahasohet efikasiteti i furçave elektrike në krahasim me ato manuale në pacientë të moshuar rezidentë në shtëpitë e të moshuarve për kohëzgjatjen e studimit prej dy muajsh dhe një follow-up 1 vit.

Objektivi i studimit është dhe ai për të vendosur nëse efekti do të mbështetej në një prospektivë më të gjatë nëse do të përdoreshin furçat sipas preferencës së pacientit (elektrike apo manuale).

100 pjesëmarrës janë riekzaminuar në një vit. Indeksi i higjienës orale të thjeshtuar (OHI-S) është përdorur si masë e sasisë së pllakës dentare.

Rezultate
Mosha mesatare e pacientëve të përfshirë në studim ka qenë prej 86.6 vjeç, nga të cilët 78.1% paraqisnin tre ose më shumë diagnoza mjekësore patologjike dhe 52.2% dëshmonte një përkeqësim konjitiv nga të moderuar në të ashpër. Numri mesatar i dhëmbëve natyralë ka rezultuar të jetë 18,8.

Pas 1 viti, mesatarja e pikëve të sasisë së pllakës bakteriale të pranishme në zgavrën orale të këtyre pacientëve ishte në mënyrë domethënëse e reduktuar nga 1.2 në 0.7 (p<0.001).
Një total prej 46 pjesëmarrësish ka preferuar që të përdorë furçën elektrike. Asnjë ndryshim domethënës në pikët e sasisë së pllakës bakteriale nuk është hasur midis pacientëve që kanë përdorur furçat elektrike dhe ato që kanë përdorur ato manuale.

Konkluzione
Të lash dhëmbët rregullisht te personat e moshuar, mbi të gjitha tek ata që janë të shtruar në shtëpitë e kujdesit, garanton një përmirësim domethënës të higjienës orale, si për përdoruesit e furçës elektrike, si për ata që përdorin furçën manuale.

Implikime klinike
Të ndërtojmë strategji për të motivuar personat e moshuar rezidentë në shtëpitë e kurës që të kujdesen rregullisht për higjienën e tyre orale është bazike.

Në këto ambiente duhet të jenë të pranishme si furça manuale ashtu dhe elektrike në mënyrë të tillë që të zgjedhë vetë pacienti se cilës lloj furçe t'i besojë në bazë të preferencave të tij dhe kapaciteteve konjitive/manuale.

Ky është sigurisht hapi i parë për të motivuar këto individë për mbajtjen e një higjiene korrekte orale.

Për më tepër:
• Sjogren P, Nilsson E, Forsell M et al. A systematic review of the preventive effect of oral hygiene on pneumonia and respiratory tract infection in elderly people in hospitals and nursing homes: effect estimates and methodological quality of randomized controlled trials. J Am Geriatr Soc 2008;56:2124-30.
• Fjeld KG, Eide H, Mowe M, Sandvik L, Willumsen T. A 1-year follow-up of a randomized clinical trial with focus on manual and electric toothbrushes' effect on dental hygiene in nursing homes. Acta Odontol Scand 2018 May;76(4):257-61.

Përktheu: Erjola Taga