Realizimi i Overlay-Onlay me sistemin CAD CAM

Rasti klinik origjinal

Fabio Quarta

Pacientja paraqitet tek unë duke u ankuar për dhimbje në njësinë 37, element ky që rezulton të jetë i prekur nga pulpiti. Në testin objektiv radiografik vihen re restaurime në amalgamë të papërshtatshme, në njësinë 37, 36, 35 (fig. 1).

Figura 1

Plani i propozuar i trajtimit parashikon trajtimin kanalar në njësinë 37 me rikonstruksion preprotetik dhe rehabilitim vijues me overlay në silikat litiumi (Celtra Duo Ht, Dentsply), overlay në njësinë 36 dhe onlay në njësinë 35, gjithmonë në silikat litiumi.

Me qëllimin për të reduktuar sa më shumë seancat operatore vendoset që të përdorim gjurmën optike me Cerec duke iu drejtuar teknikës chairside për të garantuar dorëzimin e menjëhershëm të manifakturave protetike.

Avantazhet e një qasje të tillë terapeutike janë të shumta:

• cementimi i manifakturës me adezion të menjëhershëm rezulton, siç është treguar dhe nga literatura shkencore, se preferohet idealisht për reduktimin e kontaminimit bakterial në tubtha dhe për hiperndjeshmërinë dentare gjatë fazës provizore, e cila në këtë rast nuk realizohet
• mundësia për të vlerësuar përgatitjet tona në fazë projektimi dhe eventualisht për t'i përmirësuar duke filluar nga një gjurmë e re në një kohë shumë të shkurtër
• të eliminojmë bezdisjen për pacientin nga gjurma tradicionale e cila jo gjithmonë tolerohet mirë

Rasti përfundohet në dy seanca operatore, duke kryer fillimisht trajtimin kanalar dhe rikonstruksionin protetik me kunj në fibër në njësinë 37.

Kjo e fundit realizohet duke përdorur një kompozitë të dyfishtë shumë të shndritshme, radiopake, të mbushur 69,1% (Cor-X Flow, Dentsply) me një kunj në fibër qelqi (D.T Light-Post, Dentsply) cementuar me adeziv (Universal, Dentsply) përzier në pjesë të barabarta me aktivizues (Self Cure Activator, Dentsply) për ta bërë të dyfishtë (fig. 2).

Figura 2

Në seancën e dytë, para se të aktivizojmë procedurat terapeutike dhe të aplikojmë digën e gomës, seleksionohet ngjyra e restaurimeve të ardhshme; zgjedhja e ngjyrës (në këtë rast 1E shkalla Cicodent-PE) në këtë fazë është thelbësore pasi elementet dentare janë akoma të hidratuar në mënyrë korrekte dhe precizioni viziv i ngjyrës nuk ndryshon.

Pasi kemi hequr restaurimet e vjetra në njësinë 35 dhe 36 dhe dentinën e infiltruar me përdorimin e një kalibri intra-oral, maten trashësitë e pareteve dentare të mbetura, me qëllimin që të vlerësojmë se cilat mund të mbahen dhe cilat jo.
Kjo lejon që të shmangen frakturat afat mesëm dhe afatgjatë, duke garantuar një parashikim më të lartë të manifakturës për sa i përket rezistencës ndaj ngarkesave mastikatore.

Para se të realizojmë build-up në njësinë 36 dhe 35 kryhet një gravurë selektive vetëm e smaltit për të shmangur një hiperndjeshmëri të mundshme dentare duke shfrytëzuar karakteristikat self-etching të adezivit universal Dentsply që lejon gdhendjen e dentinës në mënyrë më pak agresive (fig. 3-5).

Figura 3

Figura 4

Figura 5

Për build-up 36, me qëllimin për të krijuar një imitim ideal, përdoret më parë një kompozitë flow në fundin e kavitetit dhe më pas një kompozitë A4 në pastë (Ceram.x Universal, Dentsply) me një kromaticitet të lartë dhe translucencë të ulët.

Me përfundimin e build-up, hiqet diga, përgatiten kavitetet 35, 36, 37 dhe merret gjurma optike drejtpërdrejt në poltron me ndihmën e sistemit Cerec (fig. 6).

Figura 6

Pas prodhimit të manifakturave që vijnë nga projektimi, me kryerjen e frezimit dhe të një modifikimi me një kit frezash të dedikuara të personalizuara, këto më pas vendosen në zgavrën orale pasi është aplikuar një digë e re gome për të verifikuar fitting, mbylljen marginale, pikat e kontaktit interproksimal dhe okluzal dhe integrimin.

Manifakturat monolitike ngjyrosen kështu me super ngjyrat specifike (fig. 7).

Figura 7

Karakteristika e veçantë e silikatit të litiumit Celtra Duo është ajo e të qenit tashmë e kristalizuar (kalohet pjekja e kristalizimit si me disilikatin) dhe kjo e bën ngjyrosjen me super ngjyra sigurisht më reale pasi mund të vlerësohet krijimi estetik më para akoma se të kryhet pjekja në furrë, duke thjeshtuar rezultatin final dhe duke fituar kohë të çmuar me pacientin që pret në klinikë manifakturën tonë.

Karakteristikë tjetër e rëndësishme e Celtra Duo është ajo që zotëron një fluoreshencë dhe opaleshencë dhe - gjë shumë e rëndësishme - një shkëlqim të lartë (vlerë e lartë) pra një translucencë e ulët në krahasim me disilikatin e litiumit, sigurisht duke krahasuar të njëjtën shkallë të translucencës fillestare dhe të bllokut që duhet frezuar, falë pranisë së materialit me 10% kristale zirkoni.

Në terma praktik-klink kjo na lejon që të fillojmë nga një bllok i vogël Celtra Duo Ht me ngjyrë A2 Vita dhe të arrijmë në një ngjyrim 1E shkallë Vivodent, ngjyrim patjetër më i ulët në vlerë dhe më kromatik me ndërgjegjësimin për të kontrolluar me siguri më mirë vlerën e restaurimit si në rastin klinik të treguar.

Kjo procedurë është e realizueshme pasi nisemi nga një vlerë shumë e mirë e fluoreshencës dhe opaleshencës që lejon përftimin e një efekti smalt të shtresëzuar, një silikat monolitik pa frikën për të ulur shumë vlerën në fazën e ngjyrimit, problem i madh i materialit monolitik me translucencë të lartë.

Me verifikimin e integrimit korrekt të manifakturave kryhet cementimi i tyre me digë me kompozitë me pastë jo të ngrohur (Ceram x Celtra Duo, Dentsply) që me karakteristikat e një rrjedhshmërie dhe punimi optimal na lehtëson, me siguri, fazën e cementimit dhe të heqjes së materialit duke shmangur ngritjen e mundshme dhe të bezdisshme okluzale pas cementimit.

Pasi është hequr kompoziti i tepërt dhe diga, është vijuar me rifiniturën dhe lucidimin e anëve të inlays dhe me radiografinë finale të restaurimeve (fig. 8, 9).