Lidhja midis astmës dhe periodontitit

Të dhënat e një studimi klinik rast-kontroll

Nga Figini Lara

Si periodontiti ashtu dhe astma janë sëmundje komplekse me nivel të lartë të prevalencës në të gjithë botën. Rreth 20% e adultëve shfaq prova të periodontitit (Genco dhe Borgnakke, 2013), ndërsa astma prek rreth 334 milion persona nga të gjitha moshat (GINA, 2014), nga të cilët 10% janë të prekur nga astma e rëndë (WHO, 2011).

Pak studime në literaturë kanë hetuar nëse ka një lidhje midis periodontitit dhe astmës.

Tipologjia e kërkimit dhe mënyra e analizimit
Në një studim të publikuar në Oral Disease, prill 2018 është kryer një hetim rast-kontroll për të krahasuar 130 adultë me astmë të rëndë me 130 adultë të shëndetshëm të cilët nuk janë prekur nga astma bronkiale.

Është hetuar lidhja e mundshme midis astmës dhe problematikave periodontale dhe anasjelltas. Janë gjykuar individë të prekur nga periodontiti ata me ≥4 dhëmbë me një apo më shumë njësi me thellësi sondimi ≥4 mm, niveli i atakut klinik ≥3 mm dhe gjakrrjedhje në sondim në të njëjtën njësi.

Diagnoza e astmës së rëndë bazohet në kriteret e Global Initiative for Asthma.

Rezultate
Nga rezultatet e këtij studimi është zbuluar një lidhje midis periodontitit dhe astmës së rëndë: ORcrude = 2,98 (IC 95%: 1,74-5,11). Individët me periodontit kanë dëshmuar një risk më të madh me rreth tre herë të astmës së rëndë në krahasim me ata pa periodontit.

Frekuenca e periodontitit tek individët me astmë të rëndë ka rezultuar statistikisht më e madhe në krahasim me atë që është manifestuar për individët e shëndetshëm, pa astmë (46,6% vs 22,3%, p ≤ 0,05).

Konkluzione
Nga të dhënat e zbuluara në këtë studim është vërejtur një lidhje reale midis periodontitit dhe astmës së rëndë, marrëdhënie e cila për t'u konfirmuar ka nevojë për hetime të mëtejshme.

Kjo lidhje mund të jetë pasojë e procesit imunopatologjik që karakterizon astmën ose një pasojë e trajtimit farmakologjik, të cilit i janë nënshtruar pacientë të prekur nga astma e rëndë.

Implikime klinike
Rezultatet e zbuluara nga ky studim janë domethënëse për shëndetin publik dhe mund të jenë stimul për hetime të mëtejshme me studime longitudinale të projektuara për të kuptuar lidhjen shkakësore.

Për më tepër:
• Genco RJ, Borgnakke WS. Risk factors for periodontal disease. Periodontol 2000 2013;62:59-94.
• Global initiative for asthma. Global strategy for asthma management and prevention. Vancouver: GINA, revised 2014.
• World Health Organization. Global status report on noncommunicable diseases. Geneva, Svizzera: WHO, 2011:1-176.
• Soledade-Marques KR, Gomes-Filho IS, da Cruz SS, Passos-Soares JS, Trindade SC, Cerqueira EMM, Coelho JMF, Barreto ML, Costa MDCN, Vianna MIP, Scannapieco FA, Cruz ÁA, Souza-Machado A. Association between periodontitis and severe asthma in adults: a case-control study. Oral Dis 2018 Apr;24(3):442-8.

Përktheu: Erjola Taga