Zbardhim, infiltrim dhe restaurim

Hyrje
Tashmë prej shumë vitesh janë përcaktuar dhe verifikuar teknika jo invazive të zbardhimit dentar që sigurojnë rezultate të shkëlqyera kur udhëzimet dhe protokollet janë ndjekur në mënyrë korrekte. Përdorimi i teknikave të zbardhimit për të trajtuar white spot (njollat e bardha) prej kohësh ka qenë objekt i kundërshtimeve, i refuzuar nga disa dhe i pranuar nga disa të tjerë. Është treguar gjerësisht se teknikat e mikroinfiltrimit janë efikase në eliminimin intrinsek të white spot të smaltit, me kusht që thellësia e lezioneve të vlerësohet në mënyrë korrekte dhe të respektohen protokollet; në fjalë të tjera, në rastin e lezioneve të thella mikroinfiltirmi nuk është i mjaftueshëm.
Për sa i përket eksperiencës personale të autorëve, zbardhimi i white spot dhe amber spot para trajtimit të tyre, ka përbërë gjithmonë një ndihmesë të madhe për motivet e mëposhtme:
- Amber spot: thjesht transformohen në white spot, shumë më të ndjeshme ndaj trajtimit me mikroinfiltrim
- White spot: reduktohet opaciteti i tyre për shkak të një balancimi të indeksit të refrakcionit të prizmave. Gjithashtu white spot nuk zbardhet (ose thjesht në një pjesë shumë të vogël) dhe përftohet një kontrast me indin rrethues që në fakt ndikohet më së shumti nga procedura e zbardhimit.

MATERIALE DHE METODA

Fig. 1 Vlerësimi fillestar i pacientit. Femër 23 vjeçare, shumë e pakënaqur nga gjendja e buzëqeshjes së saj; ka refuzuar trajtimet agresive që i janë propozuar më parë

Fig. 2 Një imazh i polarizuar lejon që të përcaktohet më mirë shtrirja e lezionit. Transiluminimi, në fakt, mund të përdoret për të vlerësuar thellësinë. Vendoset që të fillohet një terapi zbardhuese për të tentuar reduktimin e kontrastit midis white spot dhe dhëmbit dhe për të transformuar amber spot në white spot.

Fig. 3 Maskerinat e zbardhimit duhet të jenë shumë precize dhe izolimi cervikal perfekt, në mënyrë që të mbajë zbardhuesin në pozicion dhe larg nga lagështia orale.

Fig. 4 Prova e maskerinës. Zgjidhet të përdoret peroksid karbamidi 10% për 20 ditë (White Dental Beauty, Optident - Valley Drive, Ilkley West Yorkshire, UK) i cili duhet mbajtur gjatë natës. Asnjë ndjeshmëri post-operatore nuk është referuar nga pacientja.

Fig. 5 Pamje e gjendjes pas 20 ditësh zbardhim.

Fig. 6 Fotografia e polarizuar na mundëson që të vlerësojmë më mirë situatën: disa njolla janë zhdukur, të tjera kanë një saturim më të vogël dhe amber spot janë bërë të bardha

Fig. 7a,b Krahasimi midis para (a) dhe pas (b); vini re ndryshimin e amber spot

Fig. 8 Krahasimi me pasqyrë me dritë të polarizuar

Fig. 9 Një kontrast i shtuar mundëson që të vlerësojmë më mirë ndryshimet

Fig. 10 Pjesa e dytë e trajtimit fillon me izolimin nëpërmjet digës së gomës

Fig. 11 Një xhel me acid klorhidrik 15% (Icon Etch, DMG-Hamburg, Gjermani) aplikohet për 2 minuta; ky pasazh mund të përsëritet deri në 4 herë, përveç rasteve kur rrezikohet një demineralizim shumë i thellë

Fig. 12 Tharja me ajër, njollat bëhen shumë më të bardha

Fig. 13 Pamja paraprake e rezultatit me alkool (Icon Dry, DMG-Hamburg, Gjermani). Shtëpia prodhuese sugjeron aplikimin për 30 sekonda; në këtë pamje mund të shohim rezultatin

Fig. 14 Në eksperiencën e autorëve, aplikimi për 2 minuta mundëson një penetrim më efikas dhe kështu një preview (pamje paraprake) më të mirë të rezultatit. Në bazë të kësaj dentisti duhet të vendosë nëse duhet të vazhdojë me infiltrimin e rezinës apo të përsërisë ciklin e gravurës

Fig. 15 Tharja e alkoolit është shumë e thjeshtë: nëse pamja paraprake është e mirë, mund të vijojmë me infiltrimin

Fig. 16 Shumë herë erozioni është i dukshëm, sidomos kur arrin në 4 cikle të gravurës

Fig. 17 Infiltrimi: kjo rezinë me densitet të ulët dhe pa solvent mund të penetrojë në thellësi po aq sa dhe alkooli. Këshillohet që të shmangen burimet e dritës së fortë dhe që t'i lejojmë rezinës të penetrojë për rreth 3 minuta, për të shmangur që të verifikohet një penetrim jo i plotë, gjë kjo që do të na çonte në një rezultat të ndryshëm nga ai i parë paraprakisht me alkool

Fig. 18 Pas infiltrimit, një shtresë e hollë smalti aplikohet mbi zonën e prekur nga erozioni

Fig. 19 Lucidimi është i nevojshëm, pavarësisht nga përdorimi ose jo i shtresës finale të kompozitit

Fig. 20 Rezultati final pas 3 javësh

Fig. 21 Pamja me dritë të polarizuar tregon një rezultat të mirë; nuk kemi arritur perfeksionin, por njollat nuk janë më të dukshme me sy të lirë

Fig. 22 Pamje me Deep View Contrast (rritja e kontrastit dhe zvogëlimi i ndriçimit pas prodhimit) ndihmon shumë në analizimin e situatës finale

Fig. 23 Deep View Contrast i situatës fillestare

Fig. 24 Krahasimi me pasqyrë midis para (poshtë) dhe pas (lart)

Fig. 25 Një rast i ngjashëm ishte programuar në të njëjtën mënyrë por lezionet u zhdukën krejtësisht pas procedurës së zbardhimit (pamje e kompozuar në mënyrë dixhitale: në të djathtë situata para trajtimit, në të majtë pas zbardhimit).

KONKLUZIONE

Zbardhimi duhet të jetë një praktikë rutinë para trajtimit të njollave me teknikën adezive. Disa prej avantazheve janë shpesh pak të njohura, ndërsa disa dentistë i druhen fortësisht efekteve të padëmshme anësore. Kombinimi midis zbardhimit dhe infiltrimit duhet të jetë terapia e zgjedhjes së parë për këtë lloj lezioni. Icon Dry, alkooli i përdorur për të parë paraprakisht rezultatin duhet të aplikohet për 2 minuta. Rezina për infiltrim ka nevojë për 3 minuta për të penetruar në mënyrën e duhur në thellësi.

Burimi: Dental Cadmos

Përktheu: Erjola Taga