Alkooli i tepërt çrregullon mikrobiomën orale dhe provokon disa tumore

Nga Cussotto Davis

Konsumi i tepërt i alkoolit modifikon mikrobiomën orale duke rritur praninë e baktereve patogjene; kjo gjendje mund të favorizojë zhvillimin e tumoreve të kokës, qafës dhe të traktit tretës. Kjo lexohet në numrin e prillit të revistës Microbiome, ku prezantohet kërkimi i Jiyoung Ahn; autori prej vitesh udhëheq një ekip shkencëtarësh të Perlmutter Cancer Center të Nyu Langone Health të New Yourk City, që studion raportet midis mikrobiomës humane (së bashku të mikroorganizmave që jetojnë në simbiozë në traktin tretës, nga goja tek anusi) dhe patologjive të shumta neoplastike.

Kërkuesit kanë analizuar rolin e alkoolit në mikrobiomën orale me një studim transversal në 1044 të rritur amerikanë (mosha mesatare 67,7 vjeç, 95% kaukazianë), që merrnin pjesë në dy kërkime mbi kancerin, aktualisht në proces.

Në momentin e bashkimit me projektin, të gjithë pjesëmarrësit ishin të shëndetshëm; kanë mundësuar kampionë të mikrobiomës së tyre orale dhe informacione mbi konsumin e alkoolit: 25,9% e individëve nuk konsumonin fare alkool, 58,8% ishin konsumatorë të moderuar dhe 15,3% konsumatorë të mëdhenj.

Ndër konsumatorët e alkoolit, 13% pinte vetëm verë, 5% vetëm birrë dhe 3,4% likere. Grupi i konsumatorëve paraqiste përqindje më të larta të meshkujve dhe të duhanpirësve.

Ndër konsumatorët e mëdhenj dhe ata që nuk pinin fare alkool, regjistrohej një ndryshueshmëri e theksuar e mikrobiomës orale dhe e profileve bakteriale në përgjithësi: një reduktim i Lactobacileve është aprovuar te konsumatorët e alkoolit; konsumatorët e mëdhenj paraqisnin një prevalencë të dukshme të Actinomicete, Leptotrichia, Cardiobacterium dhe Neisseria.

Autorët vërejnë se disa nga këto lloje përmbajnë specie patogjene ndërsa Neisseria mund të sintetizojë nga etanoli acetaldehidin, një substancë kancerogjene për njerëzit.

Pasi është verifikuar niveli i konsumit të alkoolit, ekipi ka zbuluar se diversiteti mikrobik dhe profili ndryshonin në mënyrë domethënëse midis atyre që konsumonin alkool dhe atyre që nuk konsumonin fare.

Konsumi i alkoolit ndikon në mikrobiomën orale, mundësisht duke rritur fuqinë e baktereve patogjene të pranishëm. "Disbioza e mikrobiomës orale mund të çojë në patologji orale lokale dhe mundësisht në tumore të kokës, qafës dhe traktit tretës" kjo është sinteza përmbyllëse e Jiyoung Ahn.

Për më tepër:
Microbiome 2018 6:59. Drinking alcohol is associated with variation in the human oral microbiome in a large study of American adults. Xiaozhou Fan, Brandilyn A. Peters, Eric J. Jacobs, Susan M. Gapstur, Mark P. Purdue, Neal D. Freedman, Alexander V. Alekseyenko, Jing Wu, Liying Yang, Zhiheng Pei, Richard B. Hayes and Jiyoung Ahn.

Përktheu: Erjola Taga