A mund të kompromentojë perimplantiti gjendjen shëndetësore të dhëmbëve natyralë?

Nga të dhënat e analizuara del në pah një predispozitë ndaj problematikave periodontale

Nga Figini Lara

Pavarësisht se implantologjia ka arritur një shkallë mbijetese afatgjatë relativisht të lartë, sëmundja perimplantare mund të përfaqësojë akoma një komplikim jo të dëshiruar, me bezdisje të pacientëve dhe nevojë për të kryer trajtime kirurgjikale ose jo kirurgjikale përveç kostove të tjera që lidhen me të.

Me termin e sëmundjes perimplantare identifikohen reaksionet inflamatore të indit që rrethon një implant; flitet për mukozit perimplantar kur inflamacioni godet indet e buta përreth implanteve dentare, pa shenja të humbjes së kockës mbështetëse, ndërsa, flitet për perimplantit kur verifikohet humbja e kockës mbështetëse.

Shumë studime në literaturë kanë dëshmuar se individët me një histori të periodontitit paraqesin dhe një risk të madh për të zhvilluar perimplantit (Renvert, 2014; Klokkevold, 2007). Një studim transversal i kohëve të fundit ka dëshmuar se dhe kushtet perimplantare mund të kushtëzojnë gjendjen periodontale të përgjithshme të dhëmbëve natyralë të mbetur (Wang, 2014).

Tipologjia e kërkimit dhe mënyra e analizimit
Në një studim të publikuar në Journal of Dentistry, mars 2018 vlerësohet nëse gjendja periodontale e dhëmbit njësi-fqinje ose kontralateral me një implant, mund të lidhet me kushtin perimplantar të implantit në një pacient të prekur nga periodontiti dhe kështu është vlerësuar marrëdhënia midis perimplantitit dhe shëndetit periodontal të dhëmbëve fqinj.

Në studimin e mësipërm transversal janë ekzaminuar 53 individë me 70 implante dentare ekzistuese dhe periodontit kronik. 42 implante nga 70 janë klasifikuar në perimplantit dhe 28 në mukozit. Gjendja periodontale dhe perimplantare [duke përfshirë thellësinë e sondimit (PD), nivelin e atakut klinik (CAL) dhe recesionin gingival (GR)] është matur në 6 njësi përreth implanteve dhe dhëmbëve fqinj dhe atyre kontralateral me implantet në fjalë. Në total janë analizuar 560 njësi.

Rezultate
Një diferencë mesatare domethënëse është hasur për shkak të thellësisë së sondimit/ PD (5,01±1,69, 4,42±1,8, 3,55±0,88 e 3,71±1,07 mm, p <0,001) dhe në nivelin e atakut klinik CAL (6,02±2,36, 4,89±2,04, 4,35±1,11 e 4,35±1,5 mm, p <0,001) në njësitë pranë dhëmbëve fqinj me implantet me perimplantit në krahasim me njësitë larg dhe kontralaterale.

Mbi bazën e ekuacionit të vlerësimit të përgjithësuar (GEE), prania e perimplantitit (β = 1,041 mm, intervali i besimit = 0,646-1,435 dhe p <0,001; β = 0,857 mm, intervali i besimit = 0,279-1,434, andp <0,004) dhe pozicioni i dhëmbit natyral (β = 0,65 mm, intervali i besimit = 0,4-0,9 e p <0,001; β = 0,682 mm, intervali i besimit = 0,34-1,024 e p <0,001) janë në mënyrë domethënëse të lidhura me vlerat e PD dhe CAL të dhëmbëve natyralë.

Konkluzione
Nga të dhënat e këtij studimi mund të arrijmë në përfundimin se ekzistenca e perimplantitit provokon problematika periodontale te dhëmbët fqinj me implantet e kompromentuar.

Implikime klinike
Nëse nga një anë ruajtja e gjendjes shëndetësore periodontale të dhëmbëve natyralë të mbetur është e rëndësishme për të mos kompromentuar gjendjen shëndetësore implantare, nga ana tjetër është e rëndësishme që të bëjmë gjithçka për të mbrojtur dhe shëndetin perimplantar për sa kohë që ky rezulton të jetë i lidhur me shëndetin periodontal të dhëmbëve natyralë pranë me implantin dentar.

Për më tepër:
• S. Renvert, Aghazadeh A, Hallström H, G.R. Persson GR. Factors related to peri-implantitis - a retrospective study. Clin Oral Implants Res 2014;25:522-9.
• Klokkevold PR, Han TJ. Hoë do smoking, diabetes, and periodontitis affect outcomes of implant treatment? Int J Oral Maxillofac Implants 2007;22(Suppl):173-202.
• Wang R, Zhao W, Tang ZH, Jin LJ, Cao CF. Peri-implant conditions and their relationship with periodontal conditions in Chinese patients: a cross-sectional study, Clin Oral Implants Res 2014;25:372-7.
• Sung CE, Chiang CY, Chiu HC, Shieh YS, Lin FG, Fu E. Periodontal status of tooth adjacent to implant with peri-implantitis. J Dent 2018 Mar;70:104-9.

Përktheu: Erjola Taga